ហ្គោលវែលចូលរួមក្នុងកិច្ចប្រជុំកំពូលពាណិជ្ជកម្មអាស៊ីប៉ាស៊ីហ្វិកលើកទី ១៦ នៅហុងកុង
- 2018-05-10
នៅថ្ងៃទី ១០ ខែឧសភា ឆ្នាំ ២០១៨ កិច្ចប្រជុំកំពូលពាណិជ្ជកម្មអាស៊ីប៉ាស៊ីហ្វិកលើកទី ១៦ ត្រូវបានបើកសម្ពោធយ៉ាងមហោឡារិកនៅសណ្ឋាគារ Marriott ហុងកុង។ លោក ជា ពន្លក នាយកប្រតិបត្តិក្រុមហ៊ុនហ្គោលវែល និងលោក Nepthalie Vargas នាយកទីផ្សារក្រុមហ៊ុនហ្គោលវែល បានដឹកនាំសហការីជាច្រើនរូបពីប្រទេសកម្ពុជាទៅកាន់ហុងកុងដែលជាមជ្ឈមណ្ឌលហិរញ្ញវត្ថុអន្តរជាតិធំមួយក្នុងចំណោមមជ្ឈមណ្ឌលហិរញ្ញវត្ថុអន្តរជាតិធំៗទាំងបីនៅលើពិភពលោកដើម្បីចូលរួមក្នុងព្រឹត្តិការណ៍ដ៏អស្ចារ្យនេះ។
ចាប់តាំងពីឆ្នាំ ២០០៣ មក កិច្ចប្រជុំកំពូលពាណិជ្ជកម្មអាស៊ីប៉ាស៊ីហ្វិកលើកទី ១៦ ជាព្រឹត្តិការណ៍ពាណិជ្ជកម្មអេឡិចត្រូនិចដ៏សំខាន់បំផុតនៅក្នុងតំបន់អាស៊ីប៉ាស៊ីហ្វិក ដែលបានប្រមូលផ្តុំនូវអ្នកជំនាញមកពីទូទាំងពិភពលោក ដើម្បីធ្វើការពិភាក្សាអំពីបញ្ហាប្រឈម និងឱកាសដែលវេទិកាពាណិជ្ជកម្មអេឡិចត្រូនិចបានជួបប្រទះ។ មតិយោបល់ដ៏មានអត្ថន័យជាច្រើនត្រូវបានលើកឡើងវេទិកា ក្នុងគោលបំណងរួមគ្នាលើកកម្ពស់ការអភិវឌ្ឍវិស័យពាណិជ្ជកម្មអេឡិចត្រូនិកនេះ។
កិច្ចប្រជុំកំពូលនេះបានផ្តល់នូវឱកាសដ៏ល្អប្រសើរសម្រាប់បង្កើនទំនាក់ទំនងរវាងអ្នកចូលរួមទីផ្សារ អ្នកធ្វើសេចក្តីសម្រេចចិត្ត និងអ្នកផ្គត់ផ្គង់។ ក្នុងថ្ងៃនោះផងដែរ ក្រុមហ៊ុនហ្គោលវែលក៏បានធ្វើការណែនាំអំពីរចនាសម្ពន្ធ័ និងគោលគំនិតអភិវឌ្ឍន៍របស់ក្រុមហ៊ុន ក៏ដូចជាការវិភាគទីផ្សារប្រកបដោយវិជ្ជាជីវៈជូនដល់វិនិយោគិនជាច្រើន។ ក្នុងកំឡុងពេលនោះ លោក ជា ពន្លក នាយកប្រតិបត្តិក្រុមហ៊ុនហ្គោលវែលក៏ត្រូវបានអញ្ជើញចូលរួមការសម្ភាសផងដែរ។ ឆ្លៀតក្នុងឱកាសនេះ ក្រុមហ៊ុនហ្គោលវែលក៏បានផ្លាស់ប្តូរទស្សនៈស្តីពីនិន្នាការអភិវឌ្ឍនៃវេទិកាពាណិជ្ជកម្មអេឡិចត្រូនិចជាមួយក្រុមហ៊ុនជាច្រើននៅនឹងកន្លែងផងដែរ ដើម្បីជំរុញស្មារតីអភិវឌ្ឍន៍របស់សហគ្រាសប្រកបដោយភាពរួសរាយរាក់ទាក់។