សិក្ខាសាលា“ ១+ ១> ២” ស្តីពីវិធីសាស្ត្រគ្រប់គ្រងហានិភ័យលើការវិនិយោគហិរញ្ញវត្ថុប្រកបដោយប្រសិទ្ធភាព
- 2018-05-26
ទីតាំង៖ មជ្ឈមណ្ឌលសហប្រតិបត្តិការកម្ពុជា-ជប៉ុន (CJCC)
នៅថ្ងៃទី ២៦ ខែឧសភា ឆ្នាំ ២០១៨ ក្រុមហ៊ុនហ្គោលវែលបានរៀបចំសិក្ខាសាលាមួយស្តីពីការអប់រំសម្រាប់ការវិនិយោគហិរញ្ញវត្ថុ ក្រោមប្រធានបទ “យុទ្ធសាស្ត្រវិនិយោគ៖ ១+ ១> ២” នៅមជ្ឈមណ្ឌលសហប្រតិបត្តិការកម្ពុជា – ជប៉ុន (CJCC)។ សិក្ខាសាលានេះ ត្រូវបានរៀបចំឡើងក្នុងគោលបំណងផ្តល់ការអប់រំសម្រាប់ការវិនិយោគ ដោយផ្តោតសំខាន់ធ្វើយ៉ាងណាឲ្យវិនិយោគិនទទួលបាននូវការយល់ដឹងកាន់តែស៊ីជម្រៅអំពីទីផ្សារជួញដូរឧបករណ៍និស្សន្ទ និងវិធីសាស្ត្រគ្រប់គ្រងហានិភ័យនៃការវិនិយោគប្រកបដោយប្រសិទ្ធភាព។
គណៈកម្មការមូលបត្រកម្ពុជា (គ.ម.ក) ផ្តោតសំខាន់លើការលើកកម្ពស់ការអប់រំចំណេះដឹងផ្នែកហិរញ្ញវត្ថុជូនដល់សាធារណជន ជាពិសេសតាមរយៈការរៀបចំសិក្ខាសាលាផ្សេងៗ ដើម្បីធ្វើឲ្យសាធារណជនយល់ច្បាស់ពីការគ្រប់គ្រងហិរញ្ញវត្ថុ ក៏ដូចជាការបង្កើតបទប្បញ្ញត្តិតឹងរឹងដើម្បីការពារផលប្រយោជន៍របស់វិនិយោគិន។ ក្រុមហ៊ុនហ្គោលវែលតែងគាំទ្រ និងប្តេជ្ញាចិត្តក្នុងការលើកកម្ពស់គោលនយោបាយដែលដាក់ចេញដោយគ.ម.ក ព្រមទាំងខិតខំព្យាយាមប្រែក្លាយខ្លួនជាក្រុមហ៊ុនគំរូដ៏ល្អបំផុតនៅក្នុងវិស័យនេះ។
នៅក្នុងសុន្ទរកថាបើកកម្មវិធីសិក្ខាសាលានេះ លោក ជា ពន្លក នាយកប្រតិបត្តិនៃក្រុមហ៊ុនហ្គោលវែល បានសម្តែងការស្វាគមន៍យ៉ាងកក់ក្តៅចំពោះសិក្ខាកាមទាំងអស់។ លោកបានសង្កត់ធ្ងន់ថា ក្រុមការងាររបស់ក្រុមហ៊ុនហ្គោលវែលនឹងផ្តល់សេវាកម្មប្រកបដោយច្នៃប្រឌិតបំផុត សម្រាប់ការជួញដូររូបិយប័ណ្ណជាមួយនឹងវិធីសាស្ត្រគ្រប់គ្រងប្រកបដោយវិជ្ជាជីវៈនិងភាពស្និទ្ធស្នាល ក៏ដូចជាការផ្តល់ព័ត៌មានហិរញ្ញវត្ថុចម្រុះដល់ប្រជាជនកម្ពុជា និងជួយវិនិយោគិនចាប់យកឱកាសមាសក្នុងការវិនិយោគផងដែរ។
លោក Neph Vargas នាយកផ្នែកទីផ្សារនៃក្រុមហ៊ុនហ្គោលវែល បានចែករំលែកទស្សនៈផ្ទាល់ខ្លួនចំពោះទស្សនវិស័យនៃការអភិវឌ្ឍនៅកម្ពុជា និងបេសកកម្មរបស់ក្រុមហ៊ុនហ្គោលវែល។ លោកបានសង្កត់ធ្ងន់ផងដែរថា ក្នុងនាមជាជនបរទេសមួយរុប លោកមានសុទិដ្ឋិនិយមចំពោះការអភិវឌ្ឍនាពេលអនាគតរបស់ប្រទេសកម្ពុជា ព្រោះលោកបានឃើញកត្តាមូលដ្ឋានល្អៗជាច្រើននៅក្នុងប្រទេសកម្ពុជា រួមមានសេដ្ឋកិច្ចដែលកំពុងរីកចម្រើន ការកើនឡើងនៃតម្រូវការក្នុងស្រុក និងការកែទម្រង់ច្បាប់និងបទបញ្ញត្តិនានា។ល។ លោកក៏បានមើលឃើញផងដែរនូវកត្តាជំរុញពីខាងក្រៅបន្ថែមទៀតជាច្រើន ដូចជាការជម្រុញនៃគំនិតផ្តួចផ្តើម “ខ្សែក្រវាត់មួយ ផ្លូវមួយ” ការពង្រីកការវិនិយោគពីបរទេស រួមជាមួយនឹងការកើនឡើងជាលំដាប់នៃឥទ្ធិពលរបស់ប្រទេសកម្ពុជាលើឆាកអន្តរជាតិ ។ ទាំងអស់នេះបង្ហាញយ៉ាងច្បាស់ថា កម្ពុជាមានសក្តានុពលអភិវឌ្ឍន៍ដ៏អស្ចារ្យ ហើយកម្ពុជានឹងក្លាយជាក្បាលរថភ្លើងសេដ្ឋកិច្ចនៅក្នុងតំបន់ផងដែរ។
សិក្ខាសាលាក៏បានអញ្ជើញគ្រូបណ្តុះបណ្តាលជំនាញមួយចំនួនដែលមានឈ្មោះល្បីល្បាញខាងផ្នែកហិរញ្ញវត្ថុ ដើម្បីចូលរួមចែករំលែកផងដែរ។ យោងតាមបទពិសោធន៍ជាច្រើននាពេលកន្លងមក វិនិយោគិនអាចរៀនសូត្រពីជំនាញវិភាគបច្ចេកទេសនិងការវិភាគបែបមូលដ្ឋាន តាមរយៈចំណេះដឹងដែលបានចែករំលែកនៅក្នុងសិក្ខាសាលានេះ ដោយផ្គួបផ្សំនឹងការយកចិត្តទុកដាក់ចំពោះការផ្លាស់ប្តូរនៃតម្លៃទីផ្សារនិងនិន្នាការផងនោះ សិក្ខាកាមនឹងអាចក្តាប់យកឱកាសវិនិយោគល្អបំផុត និងធ្វើការគ្រប់គ្រងវិធីសាស្ត្របញ្ចៀសហានិភ័យបានយ៉ាងល្អប្រសើរ។
សិក្ខាសាលាលើកនេះទទួលបានភាពជោគជ័យ និងការទទួលស្គាល់ ក៏ដូចជាការវាយតម្លៃខ្ពស់ពីសំណាក់សិក្ខាកាមទាំងអស់។ វិនិយោគិនភាគច្រើនបានសម្តែងនូវការរំពឹងទុកយ៉ាងមុតមាំថា ក្រុមហ៊ុនហ្គោលលែននឹងបន្តរៀបចំសិក្ខាសាលាបន្តទៀតនាពេលអនាគត ដើម្បីជំរុញទស្សនវិស័យនៃការវិនិយោគរបស់ប្រជាជនកម្ពុជាឲ្យកាន់តែមានភាពទូលាយ និងជួយជំរុញការអភិវឌ្ឍទីផ្សារហិរញ្ញវត្ថុកម្ពុជាឲ្យឆ្ពោះទៅមុខមួយកម្រិតទៀត។
