ជំណួបប្រជុំរវាងតំណាងក្រុមហ៊ុនហ្គោលវែល និងមន្ត្រីគណៈកម្មការមូលបត្រកម្ពុជា
- 2018-04-04
ក្រុមហ៊ុនហ្គោលវែល មានកិត្តិយសយ៉ាងខ្លាំងដែលបានអញ្ជើញជួបជាមួយនឹងមន្រ្តីនៃគណៈកម្មការមូលបត្រកម្ពុជា ដើម្បីចែករំលែកទស្សនៈរបស់ខ្លួនចំពោះស្ថានភាពអភិវឌ្ឍន៍នាពេលអនាគតសម្រាប់វិស័យហិរញ្ញវត្ថុនៅកម្ពុជា ដ៏ដូចជាទីផ្សារជួញដូរឧបករណ៍និស្សន្ទ និងតួនាទីរបស់ក្រុមហ៊ុនហ្គោលវែលក្នុងការលើកកម្ពស់ការអភិវឌ្ឍវិស័យហិរញ្ញវត្ថុរបស់ប្រទេសកម្ពុជា។
ក្នុងជំណួបនោះ ឯកឧត្តម ស៊ូ សុជាតិ អគ្គនាយកនៃគណៈកម្មការមូលបត្រកម្ពុជា លោក ជា បុល្លិកា អនុប្រធាននាយកដ្ឋានត្រួតពិនិត្យអន្តរការីមូលបត្រនៃគណៈកម្មការមូលបត្រកម្ពុជា លោក ជា ពន្លក នាយកប្រតិបត្តិនៃក្រុមហ៊ុនហ្គោលវែល និងអ្នកនាង ឡាញ់ ស្រីនាថ ភ្នាក់ងារឈ្មួញជើងសាឧបករណ៍និស្សន្ទ បានពិភាក្សាអំពីសារៈសំខាន់ដែលរដ្ឋាភិបាលយកចិត្តទុកដាក់លើការអភិវឌ្ឍន៍វិស័យហិរញ្ញវត្ថុនៅកម្ពុជា ដែលក្នុងពេលថ្មីៗនេះ កម្ពុជាបានទាក់ទាញវិនិយោគិនបរទេសមួយចំនួនធំចូលមកក្នុងប្រទេសកម្ពុជា សម្រាប់ការអភិវឌ្ឍប្រទេសឲ្យកាន់តែមានភាពរុងរឿង។
លោក ជា ពន្លក នាយកប្រតិបត្តិនៃក្រុមហ៊ុនហ្គោលវែល និងអ្នកនាង ឡាញ់ ស្រីនាថ ភ្នាក់ងារឈ្មួញជើងសាឧបករណ៍និស្សន្ទ បានថ្លែងអំណរគុណចំពោះការទទួលស្គាល់របស់គណៈកម្មការមូលបត្រកម្ពុជាចំពោះក្រុមហ៊ុន។ ក្រុមហ៊ុនហ្គោលវែលមានទីស្នាក់ការកណ្តាលនៅក្នុងប្រទេសកម្ពុជា និងមានក្រុមអ្នកជំនាញផ្នែកហិរញ្ញវត្ថុនៅក្នុងទីផ្សារហិរញ្ញវត្ថុអន្តរជាតិ និងថ្នាក់គ្រប់គ្រងដែលមានបទពិសោធន៍ជាច្រើនឆ្នាំ ដែលអាចផ្តល់ជូនអតិថិជននូវវេទិការជួញដូរមួយប្រកបដោយភាពច្នៃប្រឌិត និងផលិតផលជួញដូរយ៉ាងសម្បូរបែប ដូចជាមាស ប្រាក់ ប្រេងឆៅ និងគូរូបិយប័ណ្ណគ្រប់ប្រភេទ។ ទន្ទឹមនឹងនេះ ក្រុមហ៊ុនហ្គោលវែល នឹងអនុវត្តយ៉ាងតឹងរឹងនូវវិធានរបស់គណៈកម្មការមូលបត្រកម្ពុជា ហើយប្តេជ្ញាផ្តល់ជូនវិនិយោគិនក្នុងស្រុកនិងអន្តរជាតិនូវបទពិសោធន៍ជួញដូរប្រកបដោយស្តង់ដារនិងតម្លាភាព។
ឯកឧត្តម ស៊ូ សុជាតិ និងលោក ជា បុល្លិកា ជឿជាក់ថាក្រុមហ៊ុនហ្គោលវែល ជាក្រុមហ៊ុនឈ្មួញជើងសាឧបករណ៍និស្សន្ទដែលមានសក្តានុពលខ្លាំង និងបានលើកទឹកចិត្តឲ្យក្រុមហ៊ុនហ្គោលវែលអភិវឌ្ឍអាជីវកម្មរបស់ខ្លួននៅក្នុងប្រទេសកម្ពុជា និងទៅកាន់ពិភពលោកនាពេលអនាគត និងក្លាយខ្លួនជាក្រុមហ៊ុនគំរូល្អបំផុតនៅក្នុងវិស័យនេះ។ អ្នកនាង ឡាញ់ ស្រីនាថ ក៏បានលើកឡើងផងដែរថា ក្រុមហ៊ុនហ្គោលវែលនឹងផ្តល់ព័ត៌មានអប់រំហិរញ្ញវត្ថុដល់វិនិយោគិន និងលើកកម្ពស់ការយល់ដឹងនិងចំណេះដឹងរបស់សាធារណៈជនអំពីវិស័យហិរញ្ញវត្ថុ ក្នុងគោលបំណងជួយជំរុញការអភិវឌ្ឍទីផ្សារជួញដូរឧបករណ៍និស្សន្ទ និងលើកកម្ពស់កម្រិតនៃយន្តការជួញដូរសម្រាប់វិស័យទាំងមូល ដែលបានដើរតួនាទីយ៉ាងសំខាន់នៅក្នុងទីផ្សារឧបករណ៍និស្សន្ទ។
ក្រុមហ៊ុនហ្គោលវែលនឹងធ្វើការសហការជាមួយធនាគារដែលត្រូវបានទទួលស្គាល់ដោយធនាគារជាតិនៃកម្ពុជា និងគណៈកម្មការមូលបត្រកម្ពុជា ដើម្បីធានាសុវត្ថិភាព និងផ្តល់ការធានាចំពោះសាច់ប្រាក់របស់វិនិយោគិន។ ក្រុមការងារទាំងអស់របស់ក្រុមហ៊ុនហ្គោលវែល នឹងខិតខំផ្តល់ជូននូវសេវាកម្មជួញដូរប្រកបដោយវិជ្ជាជីវៈ ប្រសិទ្ធភាព និងគុណភាពខ្ពស់ ដល់វិនិយោគិនក្នុងស្រុក និងអន្តរជាតិ និងប្រែក្លាយខ្លួនជាក្រុមហ៊ុនឈានមុខគេក្នុងទីផ្សារឧបករណ៍និស្សន្ទនៅក្នុងប្រទេសកម្ពុជា និងទូទាំងពិភពលោក។