អបអរសាទរយ៉ាងកក់ក្តៅចំពោះជោគជ័យនៃការប្រកួតបាល់ទាត់មិត្តភាពអន្ដរជាតិកម្ពុជា – ម៉ាកាវ ឆ្នាំ ២០១៩Warm congratulations to Cambodia-Macau New Year's Cup 2019 of International Friendship Football games completed successfully
- 2020-01-02
ព្រឹត្តិការណ៍ប្រកួតបាល់ទាត់មិត្តភាពរយៈពេលពីរថ្ងៃបានបញ្ចប់ទៅដោយជោគជ័យ។ ក្រុមហ៊ុនហ្គោលវែល ខាភិថល ផ្តល់ជូននូវព្រឹត្តិការណ៍ដ៏អស្ចារ្យដល់ប្រជាជនកម្ពុជា-ចិន ដោយរួមបញ្ចូលតែមួយនូវសិក្ខាសាលា អាហារឈ្ងុញឆ្ងាញ់ តន្ត្រីពិរោះរងំ និងការប្រកួតបាល់ទាត់ដ៏អស្ចារ្យ។
ក្នុងនាមជាអ្នកឧបត្ថម្ភពិសេស ក្រុមហ៊ុនហ្គោលវែលបានគោរពអញ្ជើញមន្ត្រីជំនាញមកពីគណៈកម្មការមូលបត្រកម្ពុជា ចូលរួមក្នុងកម្មវិធីនេះ ដែលក្នុងនោះមានអធិបតីភាពដ៏ខ្ពង់ខ្ពស់របស់ឯកឧត្តម ស៊ូ សុជាតិ អគ្គនាយកនៃគណៈកម្មការមូលបត្រកម្ពុជា និងឯកឧត្តម សុខ ដារ៉ា អគ្គនាយករង នៃគណៈកម្មការមូលបត្រកម្ពុជាផងដែរ។ ឯកឧត្តមទាំងពីរបានសំដែងអំណរគុណយ៉ាងជ្រាលជ្រៅចំពោះក្រុមហ៊ុនហ្គោលវែល ដែលបានដឹកនាំនិងផ្សព្វផ្សាយពីទីផ្សារឧបករណ៍និស្សន្ទនៅកម្ពុជា។ ឯកឧត្តមបានបន្តទៀតថា គណៈកម្មការមូលបត្រកម្ពុជានឹងបន្តពង្រឹងការត្រួតពិនិត្យ និងគ្រប់គ្រងទីផ្សារទាំងមូល ព្រមទាំងជំរុញប្រព័ន្ធច្បាប់ដែលមានស្រាប់ឲ្យកាន់តែមានភាពប្រសើរឡើងមួយកម្រិតទៀត។ លើសពីនេះ ឯកឧត្តមក៏បានលើកទឹកចិត្តវិនិយោគិនឲ្យជ្រើសរើសក្រុមហ៊ុនឈ្មួញជើងសាដែលមានអាជ្ញាប័ណ្ណត្រឹមត្រូវ ដើម្បីការពារទ្រព្យសម្បត្តិនិងសិទ្ធិរបស់ខ្លួន។ ទន្ទឹមនឹងនេះដែរ លោក George Black និងលោក Naoto Arase ដែលជាប្រធានទីប្រឹក្សាវិនិយោគរបស់ក្រុមហ៊ុនហ្គោលវែល បានធ្វើបទបង្ហាញដ៏អស្ចារ្យមួយស្តីពីការជួញដូរឧបករណ៍និស្សន្ទ ក្រោមប្រធានបទ “ ផែនការបង្កើនប្រាក់ចំណូលទ្វេដង” ។ អ្នកទាំងពីរបានចែករំលែកចំណេះដឹង និងបទពិសោធន៍ដល់សិក្ខាកាមទាំងអស់ដែលបានចូលរួម ក្រោមបរិយាកាសប្រកបដោយភាពរីករាយ។ ភ្ញៀវកិត្តិយសទាំងអស់មានការចាប់អារម្មណ៍ និងសាកសួរសំណួរយ៉ាងសកម្ម ព្រមទាំងវិលត្រឡប់ទៅផ្ទះវិញដោយក្តីរំភើបរីករាយ និងផ្លែផ្កាដ៏សំបូរបែប។
បន្ទាប់ពីសិក្ខាសាលាបានបញ្ចប់ ការប្រគុំតន្រ្តីដ៏អស្ចារ្យបានញ៉ាំងឲ្យភ្ញៀវកិត្តិយសទាំងអស់ពុះកញ្ច្រោល។ តារាល្បីៗប្រចាំកម្ពុជា រួមមាន G-Devith, Nico, Sonya បាននាំភ្ញៀវទាំងអស់ចូលទៅក្នុងពិភពតន្រ្តីមួយដ៏អស្ចារ្យជាមួយនឹង សំលេងដ៏ពិរោះរងំ និងការសម្តែងដ៏ទាក់ទាញ។ ដោយមានការរួមបញ្ចូលគ្នាដ៏ល្អឥតខ្ចោះនៃចង្វាក់ឌីស្កូ និងទំនុកច្រៀងមនោសញ្ចេតនា បានញ៉ាំងឲ្យកម្មវិធីនេះពោរពេញទៅដោយភាពសប្បាយរីករាយ។ ទន្ទឹមនឹងនេះ យើងក៏មានផងដែរនូវម្ហូបអាហារឆ្ងាញ់ៗពីបណ្តាប្រទេសជាច្រើន ដែលធ្វើឲ្យភ្ញៀវទទួលបានរសជាតិឈ្ងុយឆ្ងាញ់រួមពេលតែមួយជាមួយសំលេងតន្ត្រីដ៏ពិរោះ។ ក្នុងចំណោមនោះ ដោយសាររសជាតិឈ្ងុយឆ្ងាញ់ និងពោរពេញទៅដោយភាពផ្អែមល្ហែម ដ៏ដូចជាគុណភាពខ្ពស់ ស្រាបៀរអាឡឺម៉ង់បានទទួលការចូលចិត្ត និងការសរសើរយ៉ាងខ្លាំងពីសំណាក់ភ្ញៀវទាំងអស់ ។
អ្វីដែលគួរឲ្យរំភើបបំផុតនោះគឺ ការប្រកួតបាល់ទាត់មិត្តភាពអន្ដរជាតិកម្ពុជា – ម៉ាកាវ ប្រទេសចិន។ ការប្រកួតដែលជានិមិត្តរូបនៃចំណងមិត្តភាពរវាងប្រទេសទាំងពីរ បានចាប់ផ្តើមដោយទទួលបានការចាប់អារម្មណ៍បំផុតពីមនុស្សគ្រប់គ្នា ហើយការប្រកួតទាំងមូលក៏ធ្វើឲ្យយើងគ្រប់គ្នាមានភាពសប្បាយរីករាយ និងរំភើបផងដែរ។ ក្រោមសម្លេងភ្លេងជាតិនៃប្រទេសទាំងពីរបានបន្លឺឡើង បរិយាកាសនៃការប្រកួតដ៏ស្វិតស្វាញមួយនេះក៏បានចាប់ផ្តើមផងដែរ។ ក្រុមអ្នកគាំទ្របានធ្វើការលើកទឹកចិត្តក្រុមកីឡាករជាមួយនឹងការរាំគ្រប់ប្រភេទ ហើយក្រុមកីឡាករក៏បានប្រយុទ្ធយ៉ាងខ្លាំងក្លាដើម្បីបង្ហាញពីភាពទាក់ទាញនៃកីឡាបាល់ទាត់ដោយថាមពលរបស់ពួកគេផ្ទាល់។ ទស្សនិកជនបានអបអរសាទរយ៉ាងរំភើប និងប្រើសំឡេងស្រែកយ៉ាងខ្លាំងដើម្បីបង្ហាញពីភាពរំភើបរបស់ខ្លួន។ ទាំងការប្រកួត ទាំងការលើកទឹកចិត្តរបស់ ទស្សនិកជន សុទ្ធតែបានបង្ហាញពីការប្រកួតយ៉ាងអស់ពីកម្លាំងកាយចិត្តរបស់កីឡាករ និងការគោរពដ៏ល្អបំផុតសម្រាប់កីឡាបាល់ទាត់ ក៏ដូចជាគូប្រកួតប្រជែង និងច្បាប់នៃការប្រកួតដែលមានភាពយុត្តិធម៌បំផុត។
ការប្រកួតបាល់ទាត់មិត្តភាពនេះត្រូវបានបញ្ចប់ដោយភាពអាឡោះអាល័យ។ ឆ្នាំ ២០១៩ បានកត់ត្រានូវចំណងមិត្តភាពរបស់យើង ហើយនៅឆ្នាំ ២០២០ ក្រុមហ៊ុនហ្គោលវែល នឹងធ្វើដំណើរជាមួយលោកអ្នកគ្រប់ពេលវេលា ដើម្បីទទួលបានភាពជោគជ័យ។ ក្នុងនាមជាក្រុមហ៊ុនឈ្មួញជើងសាឧបករណ៍និស្សន្ទដែលមានអាជ្ញាប័ណ្ណ និងគុណវុឌ្ឍិជាផ្លូវការ ក្រុមហ៊ុនហ្គោលវែលផ្តល់ជូនលោកអ្នកនូវសេវាកម្មប្រកបដោយវិជ្ជាជីវៈ និងជំនាញបំផុត ហើយក៏ប្តេជ្ញាផ្តល់ឱកាសជួបជុំដល់អ្នកគ្រប់គ្នា ដើម្បីទទួលបាននូវសេចក្តីអំណររីករាយនៃពិធីបុណ្យCarnival។ ហ្គោលវែល ផ្តល់ជូនលោកអ្នកនូវភាពភ្ញាក់ផ្អើលកាន់តែច្រើនបន្ថែមទៀត!